The Wisdom of Life (عقل زیست) By Arthur Schopenhauer

Description

شوپنہار کے خیالات جتنے گہرے اور منفرد تھے اتنے ہی متنازعہ ثابت  ہوئے خاص طور پر عورت کے بارے میں ان کے نظریات سخت تنقید کا نشانہ بنے وہ عورت کو مرد کے مقابلے میں کمزور ، جذباتی اور فطری طور پر محدود سمجھتے تھے اور یہی  نظریہ ان کے فلسفیانہ  ورثے کے سب سے ناپسندیدہ گوشوں میں شمار ہوتا ہے۔

ان کے افکار نے فلسفے ، نفسیات ،ادب اور فنون پر ایسے گہرے نقوش چھوڑے ،جنہیں وقت کی گرد بھی نہ مٹا سکی ۔ نطشے کے باغیانہ خیالات میں،  فرائیڈ کی نفسیاتی تحلیل میں، رچرڈ واگنر کی موسیقی میں اور ٹالسٹائی کی کہانیوں میں شوپنہار کی بازگشت سنائی  دیتی ہے۔ جدید فکری تحریکوں میں،  خاص طور پر وجودیت  اور تحلیل نفسی میں ، ان کے نظریات ایک سرمدی نغمہ بن کر گونجتے ہیں۔

شوپنہار کا فلسفہ انسانی فطرت،  خواہشات اور اذیت کی وہ پچیدہ داستان ہے، جو زندگی کے ان اسرار پر روشنی ڈالتی ہے، جن سے عام انسان بے خبر رہتا ہے۔ اگرچہ ان کے بعض خیالات  آج بھی  بحث کا مرکز ہیں، مگر ان کی گہرائی فکر کی گہرائی ،ان کے مشاہدات کی باریک بینی اور ان کے نظریات کے رفعت انہیں ہمیشہ ہی غیر معمولی کے طور پر زندہ رکھے گی۔